Parallel AVR downloader

kumargi 'sucker' atanapi anu langkung dikenal ku downloader atanapi programmer nuju di riset. downloader nganggo konektor USB, rangkaian utamina nganggo ATMEGA8L, peryogi diperhatoskeun, jenis anu dianggona nyaeta tipe L (low power, nganggo 3.6v).
ditinggal dipasaran, pangaos downloader ieu teh aya dina kisaran 90rebu dugi ka 150rebu.
kumargi kitu, kanggo rerencangan sadaya, anu meryogikeun nyedot program kana mikro, tiasa nganggo konektor db25/parallel port/lpt/printer port.
kanggo rerencangan sadaya, ieu konektor tos hampir punah dina komputer-komputer + laptop jaman kiwari.
konektor ieu teh konektor parallel (db25), aya 25 pin. db25 anu aya dina komputer (CPU) nyaeta db25 anu bikang (female db25). kanggo kaperyogian ngunduh/ngadonlot/ngadownload/nyedot program anu parantos dicompile, tiasa nganggo konektor ieu, teu kedah nganggo software/driver, cekap nganggo compiler+programmer anu tos disayogikeun dina sababaraha jenis compiler kanggo AVR, sapertos BASCOM, CodeVision, WINAVR, ponyprog, sareng sajabina.
aya sababaraha aliran anu ngajelaskeun nyedot program kana mikro ngagunakeun ieu konektor. aya anu nyebatkeun kedah nganggo IC buffer TTL 7407, aya oge anu ngan saukur dipasang resistor dina pin 6 sareng 7. nilai-nilai resistor anu dianggo oge bararenten. aya nu nyebatkeun nganggo 100ohm, aya anu 220ohm, aya oge anu dugi ka 330ohm.
saparantosna dicobi, resistor anu dianggo teh, digunakeun kanggo watesan arus anu lebet kana mikro. dicobian nganggo resistor 330ohm, program tos tiasa disedot kana mikro*.
didieu sim kuring ngagunakeun codevision kanggo compiler+programmer na.

cara kanggo nyedot program anu tos didamel kana mikro aya sababaraha syarat + rukun anu kedah diperhatoskeun.
sarat-sarat anu kedah aya:
0. kopi hideung anu haneut, roti tawar + susu kental manis
1. konektor db25 anu jalu (db25 male), langkung sae upami aya cangkangna.
2. Resistor 330 ohm 2 siki
3. kabel pelangi anu 5 garis, sa meter oge cekap.
4. header female anu 5 kotak.
5. software kanggo ngaprogram, compile. conto anu di anggo nyaeta codevision

codevision, tiasa disedot didieu

peryogi diperhatoskeun, didieu nganggo bahasa C. langkung sae upami rerencangan sadayana, parantos nyobian mrogram ngagunakeun bahasa C. insyaAllah bahasa ieu langkung gampil diabanding assem'shit'bler. hayu ah, lajengkeun kana rukun-rukun na.
rukun na:
1. pendekar solder kedah nyolder sapertos rangkean anu diluhur.
2. colokeun eta db25 jalu kana db25 bikang anu aya dina CPU.
3. jalankeun codevision

// bilih aya anu masih rungsing, kumaha cara ngagunakeun ieu codevision, bakal diuningakeun didieu.
jalankeun codevision
klik File->New->Project->OK
pas kaluar 'Do you want to use the codewizard avr', klik NO
ketik, 'cobian'-->save
saparatosna di save, bakal kaluar kotak configure
klik tab C compiler
dina bagian vertikal dropdown, pilarian jenis mikro anu digunakeun, misalkeun nganggo atmega8, pilih atmega8.
klik tab After build, ceklis Program the chip-->OK
klik file deui, -->New-->source-->file-->save as
sok dinamian eta file source na.misalkeun erixtronika.c-->save
klik Project-->Configure-->Add-->pilih erixtronika.c-->Open-->OK

langsung, upami tos kitu, kawitan ngeusian program na.conto didieu, kanggo ngahurungkeun led 4bit dina port

#include

void main()
{
DDRA=0xff;
PORTA=0x0f;
}

klik Project-->Compile-->OK*
* klik OK upami teu aya galat

klik setting-->programmer
pilih kanda systems STK200+/300
pilih LPT1:378h
klik OK

program tos janten, hubungkeun parallel downloader anu tadi tos janten kana isp(in system programmable) anu aya dina sismin. perhatoskeun pin-pin anu aya, misalna SCK(serial clock), MISO(master in slave out), MOSI(master out slave in), RESET, sareng GND na.

uih deui kana codevision.
klik project-->build-->program the chip

antosan dugi ka progress bar na beres...
mangga dihaturanan sedot sagala rupi program kana eta mikrokontroller.
asal teu kenging ngalebetkeun file-file *.avi, *.mkv, *.3gp, *.wmv sareng file-file anu sajenis ti bang IBM...dijamin moal lebet....lol

patarosan+saran+sajabina tiasa di kirim via imel ka cinkcink90@gmail.com atanapi sms ka hpk510ibutut.com